Чӑваш Республикин вӗренӳ институчӗ, Чӑваш патшалӑх педагогика университечӗ, Чӑваш наци конгресӗ  тата Шупашкарти 62-мӗш шкул "Хавхалану" фестиваль ирттерчӗ. Фестиваль тӗллевӗ- вӗренекенсене Раҫҫей Федерацийӗн сумлӑ академикӗн Г.Н. Волковӑн пурнӑҫӗпе ӗҫӗ-хӗлне тӗплӗнрех пӗлме хавхалантарасси тата шырав меслечӗпе ӑсталӑхне  ӳстерме пулӑшасси.. 

   Фестиваль кăçал 5 номинаципе иртрӗ:

1) «Г.Н. Волков хайлавĕсен сцена çине тухнă чи лайăх курăмĕ»;

2) «Г.Н. Волков хайлавĕсен чи лайăх иллюстрацийĕ»;

3) «Çемье тата экологи темисене халалланă чи лайăх хайлав»;

4) «Г.Н. Волков хайлавĕсем çине таянса тунă чи лайăх видеофильм»,

5) «Г.Н. Волков пурнăçĕпе ĕçне-хĕлне халалланă викторина».

 Кивӗ Чукалти тӗп шкулӑн 5-мӗш класӗнче вӗренекен  Сарафанова Инесса  «Г.Н. Волков пурнăçĕпе ĕçне-хĕлне халалланă викторина" номинацие хутшӑнчӗ.  Ыйтусем ҫине тӗрӗс тата туллин хуравласа призер  ятне тивӗҫрӗ. Инессӑна саламлатпӑр, ӑнӑҫу сунатпӑр.