Нарăс уйăхĕн 25-мĕшĕнче Чăваш Республикин вĕренӳ тата çамрăксен политики министерстви Чăваш Республикин вĕренÿ институчĕпе пĕрле республика шайĕнче «Тăван халăхăмăрăн тылри паттăрлăхĕ» темăпа ирттернĕ сочинени конкурсне пĕтĕмлетрĕ.

Конкурса Сăр тата Хусан хÿтĕлев чиккисене тума хутшăннисен ĕç паттăрлăхне халалланă çулталăкпа çыхăнтарнă. Унта пĕтĕмĕшле пĕлÿ паракан вĕренÿ организацийĕсен 9-11 класĕсенче вĕренекенсем хутшăнчĕç. Ачасем сочиненисене чăвашла çырчĕç.

Республика шайĕнче кĕретсĕр (заочно) ирттернĕ тапхăра 20 районтан тата 3 хуларан (Çĕмĕрле, Шупашкар, Çĕнĕ Шупашкар) 63 ĕç тăратнă. Жюри членĕсем чи лайăх ĕçсен авторĕсем хушшинче конкурс çĕнтерÿçине палăртрĕç. Ачасем жюри сĕннĕ темăсенчен пĕрне сйласа сочинении çырчĕç. 9- мĕш класра вĕренекен Малеева Анастасия та çак конкурса хутшăнчĕ, призёр пулчĕ. Эпир ăна саламлатпăр, ăнăçу сунатпăр.