Иртнӗ ҫулсенче «Шӑна кӑмпи» спектакльпе Карапай Шӑмӑршӑра, Елчӗкре пулчӗҫ Кивӗ Чукал шкулӗн «Мехел» драма кружокӗн ҫамрӑк артисчӗсем, кашнинчех хӑйсен пултарулӑхне тарӑннӑн кӑтартма пултарчӗҫ. Акӑ кӑҫал ҫу уйӑхӗн 8-мӗшӗнче ялти клуб сцени ҫинче «Пêчêк Баба Яга» пьеса тǎрǎх спектакль лартрӗҫ. Ҫакӑнпа кӑна лӑпланса ларас килмерӗ – кӗҫнерни кун, майӑн 19-мӗшӗнче, Пӑчӑрлӑ Пашьелӗчи шкулӑн акт залӗнче драма кружокӗн членӗсем Ю.Коринец çырнǎ, чåвашла Юхма Мишши куçарнå «Пêчêк Баба Яга» пьеса тǎрǎх спектакль лартма йыхрав илчӗҫ. Акӑ вӗсем шкулти акт залӗн сцени ҫинче. Музыкӑллӑ кулӑшла пьесӑна тӗлӗнмелле чаплӑ кӑтартса пачӗҫ ҫамрӑк артистсем. Ҫынна лайӑх тума тӑрӑшакан ӑрӑмҫӑ Баба Яга пурне те ҫӗр ҫинче ырӑ ӗҫсем ҫеҫ тума хавхалантарать, усал тӑвакансене сивлет. Тӗрӗс мар-и? Пурте ҫапла пуласчӗ…
Тата ытти ялсенче те кӑтартма хатӗр, йыхрав ҫеҫ кӗтетпӗр!
Драма кружокӗн ертӱҫи Малеева Вера Петровна