Кашни ҫулах чӑвашлӑха аталантарас енӗпе республикӑра «Туслӑх хӗлхемӗ» конкурс-фестиваль иртет. Пирӗн шкулти вӗренекенсем те ҫак мероприятие хастар хутшӑнаҫҫӗ. Акӑ кӑҫал «Ӱкерчӗк ӑсталӑхӗ» конкурса 7-мӗш класри Лубошновӑсем: Аделинӑпа Ольга пӗр-пӗр произведени сюжетне уҫса парас енӗпе палӑрчӗҫ, Ольга районти 11 вӗренекен хушшинче  призер пулса тӑчӗ. 9-мӗш класра вӗренекен  Чамеева Наташа та чӑваш шкулӗсем хушшинче ирттернӗ «Чӗлхепе литература ыйтӑвӗсем, сӑвӑ каласси, юрласси»  ӑмӑртура 2-мӗш вырӑн йышӑнса призерсен ретне кӗчӗ. Наташа сӑвӑ калас, чӑваш юррине шӑрантарас енӗпе конкусантсенчен чи лайӑххисен шутӗнче пулчӗ. Пирӗн шкулта искусствӑна юратакан ачасем пурри пурне те питӗ савӑнтарать. Малашне те ҫапла пултӑрччӗ!

Чӑваш чӗлхипе литература учителӗ Малеева Вера Петровна